Իտալական «Ռոման» շարունակում է տարբերակներ դիտարկել՝ թիմի հայ կիսապաշտպան Հենրիխ Մխիթարյանին փոխարինելու համար:
Իսպանական AS-ի հաղորդմամբ` հռոմեական ակումբի պորտուգալացի գլխավոր մարզիչ Ժոզե Մոուրինյոն Հենրիխի հեռանալու դեպքում ցանկանում է իր թիմում տեսնել Մադրիդի «Ատլետիկոյի» և Արգենտինայի հավաքականի առանցքային կիսապաշտպան Ռոդրիգո դե Պաուլին:
Ավելի վաղ հաղորդվում էր, որ Մխիթարյանի հեռանալու դեպքում «Ռոման» կհրավիրի «Ռեալի» կիսապաշտպան Իսկոյին, որը հունիսի 30-ին կդառնա ազատ գործակալ:
Նշենք՝ Մխիթարյանը, ըստ իտալական լրատվամիջոցների, մոտ է Միլանի «Ինտեր» տեղափոխվելուն:
