«Ռոմայի» գլխավոր մարզիչ Ժոզե Մոուրինյոն խոստովանել է, որ ժամանակին հրաժարվել է գլխավորել կատալոնական «Բարսելոնան»:
«Նրանք ինձ խնդրեցին վերլուծել իրավիճակը, երբ թիմն անցումային փուլում էր: Ինձ դիմողն ակումբի ղեկավար կազմից էր։ Ես դա արեցի, բայց ոչ ավելին: Հետո, հուրախություն ինձ, պատմությունն իր հունով գնաց»,- Մոուրինյոյի խոսքն է մեջբերում «Movistar+»-ը:
Աղբյուրի հաղորդմամբ՝ Ժոզեն կարող էր գլխավորել կատալոնական ակումբը 2008 թվականին՝ Ֆրանկ Ռայկարդի հեռանալուց հետո։
Հիշեցնենք՝ 59-ամյա պորտուգալացի մասնագետը 1996-2000 թվականներին աշխատել է «Բարսելոնայի» մարզչական շտաբում, իսկ 2010-2013 թվականներին գլխավորել է Մադրիդի «Ռեալը»: