«Մանչեսթեր Յունայթեդը» մտադիր է հուլիսին թիմ հրավիրել 5 ֆուտբոլիստի։
Ակումբն արդեն համաձայնեցրել է «Ֆեյենորդի» ձախ պաշտպան Թայրել Մալասիայի ձեռքբերման գործարքը, սկզբունքային համաձայնության հասել «Բարսելոնայի» կիսապաշտպան Ֆրենկի դե Յոնգի հետ ու պաշտոնական առաջարկ կատարել «Այաքսի» պաշտպան Լիսանդրո Մարտինեսին։
ՄՅՈՒ-ի գլխավոր մարզիչ Էրիկ Տեն Հանգը հետաքրքրված է նաև «Այաքսի» կիսապաշտպան Անտոնիի ու Դանիայի հավաքականի կիսապաշտպան Քրիստիան Էրիկսենի ծառայություններով: Վերջինը «Բրենթֆորդից» հեռանալուց հետո ազատ գործակալ է։
