Կատարում կայանալիք Մունդիալի նախավերջին ուղեգիրը վիճարկեցին Ավստրալիայի և Պերուի հավաքականները:
Հանդիպման հիմնական և լրացուցիչ ժամանակում հաշիվը չբացվեց: Հետխաղյա 11-մետրանոց հարվածաշարում ավելի դիպուկ եղան Կանաչ մայրցամաքը ներկայացնող ֆուտբոլիստները (5:4):
Այսպիսով՝ Ավստրալիան նվաճում է ԱԱ 2022-ի հիմնական փուլի ուղեգիր և կընդգրկվի D խմբում, որտեղ մրցակիցները կլինեն Ֆրանսիայի, Դանիայի և Թունիսի հավաքականները:
Հունիսի 14-ին Մունդիալի վերջին՝ 32-րդ ուղեգրի համար մրցելու են Կոստա Ռիկայի և Նոր Զելանդիայի ընտրանիները: Հանդիպումը մեկնարկելու է ժամը 22:00-ին:
Այս զույգի հաղթողն էլ կընդգրկվի ԱԱ 2022-ի հիմնական փուլի E խմբում, որտեղ ընդգրկված են Իսպանիան, Գերմանիան և Ճապոնիան:
