Հռոմում ընթանում է ազատ ոճի ըմբշամարտի մինչև 20 տարեկանների Եվրոպայի առաջնությունը:
79 կգ քաշային կարգում Մուշեղ Մկրտչյանը, հաջորդաբար հաղթելով ռումինացի Ջիջի Մարիան Սուբտիրիկային (10-0), իտալացի Ռաֆայելո Մատրուլոյին (10-0) ու ադրբեջանցի Սաբուհի Ամիրասլանովին (3-1), նվաճել էր եզրափակիչի ուղեգիր։
Եզրափակիչում հայ ըմբիշն ուժերը չափեց Վրաստանի ներկայացուցիչ Օտարի Ադեիշվիլիի հետ: Դրամատիկ պայքարում Մկրտչյանը գոտեմարտը շահեց 9-4 հաշվով ու հռչակվեց Եվրոպայի չեմպիոն:
