«Վիլյառեալի» պաշտպան Ալբերտո Մորենոն Եվրոպա լիգայի եզրափակիչ հանդիպումից հետո ուղերձով դիմել է իր նախկին ակումբի՝ «Լիվերպուլի» երկրպագուներին։
Իսպանական ակումբը եզրափակիչում հաղթեց «Մանչեսթեր Յունայթեդին»։ Հանդիպման հիմնական ու լրացուցիչ ժամանակն ավարտվեց 1-1 հաշվով Ժերար Մորենոյի ու Էդինսոն Կավանիի գոլերից հետո։ Հետխաղյա 11-մետրանոց հարվածաշարն ավարտվեց 11-10 հաշվով։ Վրիպեց միայն Դավիդ դե Խեան։
Հանդիպումից հետո Մորենոն, որը նույնպես դիպուկ էր իրացրել հետխաղյա հարվածը, Instagram-ում «լայվի» ժամանակ դիմել է «Լիվերպուլի» երկրպագուներին ասելով․ «You will never walk alone»:
Մորենոն 2014–ից 2019 թվականների ընթացքում խաղացել է «Լիվերպուլում» ու նրանց հետ հաղթել Չեմպիոնների լիգան։
