տուր
01 Հունվար 1970 - 13:00
- Կոտ դ՛Իվուարի հայտնի մարզական պարբերականներից մեկը՝ Le Kpatpato Sportif-ը, «Շիրակի» հարձակվող Մորի Կոնեին ընդգրկել է տուրի 3 լավագույն իվուարցի ֆուտբոլիստների ցանկում: Այս մասին հաղորդում է Գյումրին ներկայացնող ակումբի մամուլի ծառայությունը:
Հատկանշական է, որ լավագույնների եռյակում են հայտնվել նաև «Արսենալի» ֆուտբոլիստ Նիկոլա Պեպեն ու «Պարմայի» խաղացող Ժերվինյոն:
Հիշեցնենք, որ Կոնեն դարձել է Բարձրագույն խմբի առաջնության 24-րդ տուրի՝ «Արարատ-Արմենիայի» հետ կարևոր հանդիպման միակ ու հաղթական գոլի հեղինակը: Հարձակվողը խփած 19 գոլով մրցաշարի լավագույն ռմբարկուն է:
«Շիրակը», առաջնությունում անցկացրած վերջին 6 հանդիպումներում տոնելով 4 հաղթանակ և գրանցելով 2 ոչ-ոքի, զբաղեցնում է աղյուսակի 2-րդ հորիզոնականը՝ առաջատար «Արարատ-Արմենիայից» հետ մնալով 3 միավորով:
Մորի Կոնեի արդյունքը լավագույնն է Հայաստանի վերջին 5 առաջնություններում
