«Մանչեսթեր Յունայթեդի» գլխավոր մարզիչ Ժոզե Մոուրինյոն հերթական անգամ խոսել է «Լեսթերից» Կլաուդիո Ռանիերիի հեռացման մասին:
«Ինձ համար «Չելսիից» հեռացվելը նոր փուլի սկիզբ դարձավ, և Կլաուդիոյի դեպքում էլ կլինի նույնը: Մարզիչների հետ այսպիսի բաներ պատահում են, և պետք չէ այս ամենից դրամա սարքել: Բայց ինձ օգնեց այն գիտակցումը, որ «Չելսիի» երկրպագուները գոհ մնացին ակումբի համար կատարած իմ աշխատանքից, և վստահ եմ, որ դա կօգնի նաև Ռանիերիին: «Չելսիի» երկրպագուները չեն մոռանա այն, ինչ ես արել եմ, իսկ Ռանիերին «Լեսթերի» համար արել է շատ ավելին:
Նրա մեկ տիտղոսը՝ Պրեմիեր լիգայի չեմպիոնությունը, շատ ավելին արժե, քան իմ բոլոր մրցանակները «Չելսիում»: «Լեսթերի» երկրպագուներն առաջիկա 50 տարում հիշելու և խոսելու են նրա մասին»,- ասել է պորտուգալացի մասնագետը: