«Մանչեսթեր Յունայթեդի» գլխավոր մարզիչ Ժոզե Մոուրինյոն աջակցել է Կլաուդիո Ռանիերիին, ով երեկ անսպասելիորեն հեռացվել էր «Լեսթերի» մարզչական նստարանից: Պորտուգալացի մասնագետն այսօր կայացած մամուլի ասուլիսին ներկայացել էր մարզահագուստով, որի վրա նշված էին իտալացի մասնագետի անուն-ազգանվան առաջին տառերը:
«Սա իմ հարգանքի դրսևորումն է այն մարդու նկատմամբ, ով Պրեմիեր լիգային պարգևել է ամենագեղեցիկ պատմությունը: Նա արժանի է նրան, որ «Լեսթերի» մարզադաշտն անվանակոչեն իր անունով:
Նման մի իրավիճակի ես առնչվել եմ «Չելսիում»: Երբ ինձ հեռացրին գործող չեմպիոնի գլխավոր մարզչի պաշտոնից, ես մտածեցի, որ դա շատ բացասական պատմություն է: Բայց նույնիսկ դա չի կարող համեմատվել այն ամենի հետ, ինչ տեղի ունեցավ Ռանիերիի հետ»,- ասել է Մոուրինյոն: