«Տոտենհեմի» արդեն նախկին գլխավոր մարզիչ Ժոզե Մոուրինյոն կարող է վերադառնալ Ա սերիա:
Ինչպես տեղեկացնում է Calciomercato-ն, պորտուգալացին, հնարավոր է, կրկին գլխավորի «Ինտերը»: Աղբյուրի փոխանցմամբ՝ Անտոնիո Կոնտեն դժգոհություններ ունի միլանյան ակումբի ղեկավարությունից և չի բացառվում, որ մրցաշրջանի ավարտից հետո նա հեռանա՝ չնայած, որ ամենայն հավանականությամբ թիմի հետ կնվաճի Սկուդետոն՝ 11 տարվա դադարից հետո:
Մոուրինյոն աշխատել է «Ինտերում» 2008-ից 2010 թվականներին: 2009/10 մրցաշրջանում Ժոզեն ակումբի հետ տրեբլ է նվաճել:
