Մադրիդի «Ռեալի» նախկին գլխավոր մարզիչ Ժոզե Մոուրինյոն կարող է վերադառնալ Իսպանիա ու ստանձնել «Վալենսիայի» գլխավոր մարզչի պաշտոնը՝ հաղորդում է El Mundo Deportivo-ն:
Աղբյուրի տեղեկություններով՝ «չղջիկների» սեփականատեր Պիտեր Լիմը դիտարկում է համակարգային փոփոխություններ կատարելու տարբերակը: Գլխավոր մարզչի պաշտոնի հավակնորդների թվում է Ժոզե Մոուրինյոն, որի գործակալ Ժորժե Մենդեշը «Վալենսիայի» սեփականատիրոջ գործընկերն է:
Մոուրինյոյի նախորդ ակումբը «Մանչեսթեր Յունայթեդն» է, որի գլխավոր մարզչի պաշտոնից պորտուգալացի մասնագետն ազատվել է 2018 թվականի դեկտեմբերի կեսին: