«Լայպցիգի» գլխավոր մարզիչ Յուլիան Նագելսմանը մեկնաբանել է այն շշուկները, որոնք իրեն կապում են եվրոպական մի քանի հանրահայտ ակումբների հետ:
Գերմանացի մասնագետի անունը վերջին շրջանում ավելի շատ շոշափվում է «Բարսելոնան» և «Տոտենհեմը» գլխավորելու տարբերակների հետ:
«Ես մինչև 2023 թվականը գործող պայմանագիր ունեմ: Ասելը, թե այդ խոսակցություններն ինձ բարկացնում են, չափազանցված կլիներ․ ես գիտեմ՝ ինչպես է կառուցված պրոֆեսիոնալ ֆուտբոլը:
Եթե շշուկները ճշմարիտ լինեին, ես արդեն պետք է գլխավորած լինեի «Ռեալը», «Բարսելոնան» կամ «Տոտենհեմը»: Այդ բոլոր թիմերում հիանալի մարզիչներ են աշխատում, որոնք պայմանագրեր ունեն, ինչպես և ես:
Այդ ամենն ինձ չի նյարդայնացնում: Դա ինձ հետ որևէ առնչություն չունի: Կենտրոնացած եմ միայն «Այնտրախտի» դեմ առաջիկա հանդիպման վրա, որում շատ անելիքներ ունենք»,- Նագելսմանի խոսքերը մեջբերում է AS-ը:
Նագելսմանը պատմել է՝ ինչու է մերժել «Ռեալը» գլխավորելու առաջարկը