«Լայպցիգի» գլխավոր մարզիչ Յուլիան Նագելսմանը պատմել է այն մասին, թե ինչու է 2018 թվականի ամռանը մերժել Մադրիդի «Ռեալի» մարզչական ղեկը ստանձնելու առաջարկը:
Գերմանացի մասնագետը 2016-2019թթ․ եղել է «Հոֆենհայմի» գլխավոր մարզիչը, իսկ 2019 թվականից աշխատում է «Լայպցիգում»:
«Կարևոր է կարիերայի պլան ունենալը, ճիշտ քայլեր կատարելը: Ինձ իսկապես զանգահարել էին «Ռեալից»: Ես միակ մարզիչը չէի, որի հետ նրանք կապ էին հաստատել:
Նրանք ցանկացան խոսել ինձ հետ, ծանոթանալ, իմանալ իմ փիլիսոփայությունը: Ես ճիշտ որոշում կայացրի: Մերժելը հեշտ չէր, քանի որ «Ռեալը» մեծագույն ակումբներից մեկն է:
Եթե նրանք ինձ հետ ապագայում կրկին կապ հաստատեն, ապա, հնարավոր է, իմ պատասխանն այլ լինի, բայց 2 տարի առաջ ճիշտ վարվեցի: Ես նախապատրաստվելու, լեզուն սովորելու ժամանակ չէի ունեցել: Մեծ փորձ չունեի միջազգային մակարդակում:
«Հոֆենհայմում» ընդամենը 1 հաղթանակ էի գրանցել եվրագավաթներում, ուստի «Ռեալի» մարզիչ դառնալը նպատակահարմար չէր լինի: «Լայպցիգը» գլխավորելը ճիշտ քայլ էր իմ կարիերայի համար»,- Նագելսմանի խոսքերը մեջբերում է BBC-ն:
Յուլիան Նագելսման. Հզոր բնավորությամբ հանճարեղ մարզչի պատմությունը (տեսանյութ)