NBA-ի Արևելյան կոնֆերենցիայի եզրափակիչ սերիայի 2-րդ խաղում «Բոստոն Սելտիքսը» հաղթել է «Մայամի Հիթին»։ Հանդիպումն անցկացվել է Մայամիում և ավարտվել հյուրերի հաղթանակով՝ 127։102 հաշվով:
«Բոստոնի» կազմում 27 միավոր է վաստակել Ջեյսոն Տեյտումը: Նրա խաղընկեր Մարկուս Սմարտը դարձել է դաբլ-դաբլի հեղինակ՝ 24 միավոր և 12 արդյունավետ փոխանցում։ Այնուամենայնիվ, խաղում լավագույնը եղել է «Մայամիի» առաջատար Ջիմի Բաթլերը, որը վաստակել է 29 միավոր:
Այսպիսով՝ Արևելյան կոնֆերենցիայի եզրափակիչ սերիայում հաշիվը հավասարվել է՝ 1:1: Շարքի 3-րդ հանդիպումը կկայանա «Սելտիքսի» խաղահրապարակում (մայիսի 22):