«Շարլոտ Հորնեթսի» հարձակվող Մոնտրեզլ Հարելը մեղադրվում է թմրանյութերի վաճառքի համար՝ տեղեկացնում է ESPN-ը։
Բասկետբոլիստին ձերբակալել են մայիսի 12-ին Կենտուկիում մեքենան անզգույշ վարելու համար։ Նրա մեքենան զննելիս ոստիկանները վակուումային տոպրակների մեջ հայտնաբերել են մոտ 1,3 կգ մարիխուանա։
Հարելին կալանավորել են, նրան սպառնում է մինչև հինգ տարվա ազատազրկում։ Առաջին դատական նիստը տեղի կունենա հուլիսի 13-ին:
Հարելն իր կարիերայի ընթացքում խաղացել է նաև «Լոս Անջելես Կլիպերսում» և «Հյուսթոն Ռոքեթսում»: