NBA-ի արևելյան կոնֆերենցիայից փլեյ-օֆֆ են դուրս եկել «Մայամի Հիթը», «Միլուոքի Բաքսը», «Բոստոն Սելթիքսը», «Ֆիլադելֆիան», «Տորոնտո Ռեփթորսը» և «Չիկագո Բուլզը»։
Փլեյ-ինում «Բրուքլին Նեթսը» կխաղա «Քլիվլենդ Կավալիերսի» հետ, իսկ «Ատլանտա Հոքսը» կհանդիպի «Շարլոտ Հորնեթսի» հետ, հաղթողները դուրս կգան փլեյ-օֆֆ:
Արևմտյան կոնֆերենցիայից փլեյ-օֆֆ են դուրս եկել «Ֆինիքս Սանզը», «Մեմֆիս Գրիզլիզը», «Գոլդեն Սթեյթ Ուորիորզը», «Դալաս Մավերիքսը», «Յուտա Ջազը» և «Դենվեր Նագեթսը»:
Արևմտյան կոնֆերենցիայի փլեյ-ինում «Մինեսոտա Թիմբերվուլվզը» կխաղա «Լոս Անջելես Քլիպերսի», իսկ «Նյու Օռլեան Պելիկանսը»՝ «Սան Անտոնիո Սփըրսի» հետ:
NBA-ի փլեյ-ինի հանդիպումները կանցկացվեն ապրիլի 12-ից 15-ը։
Մրցաշարի գործող հաղթողը «Միլուոքի Բաքսն» է, որը նախորդ մրցաշրջանում եզրափակիչ սերիայում 4:2 հաշվով հաղթել է «Ֆինիքս Սանզին»:
