NBA-ի աստղ Էնես Կանտերը («Բոստոն Սելթիքս») կոչ է արել Թուրքիայի նախագահ Ռեջեփ Թայիփ Էրդողանին և ամբողջ թուրք հասարակությանն առերեսվել երկրի անցյալ ու ներկա հանցագործություններին:
«Ժամանակն է քանդել բոլոր պատերը ու սկսել խաղաղության և սիրո կամուրջներ կառուցել երկու գեղեցիկ երկրների միջև: Իմ ցանկությունն է պաշտպանել մարդու իրավունքները։ Վերջին մի քանի շաբաթվա ընթացքում հնարավորություն ունեցա հանդիպել մի քանի հարգված պատմաբանների և գիտնականների, ու իմանալ ավելին Հայոց ցեղասպանության մասին:
Թուրքիայում կրթական համակարգը ազգայնական է, կողմնակալ և անտեսում է միլիոնավոր մարդկանց տառապանքները: Ես կիսում եմ միլիոնավոր հայերի ցավը: Կարծում եմ, որ Թուրքիան պետք է առերեսվի իր նախկին և ներկա հանցագործություններին: Ես նաև խորապես հավատում եմ, որ մի օր ժողովրդավարություն կհաստատվի ու վերջ կդրվի Թուրքիայի և Էրդողանի բռնատիրական քաղաքականությանը», – գրել Կանտերը սոցիալական ցանցերում:
Խաղացողը նաև պատրաստվում է Լոս Անջելեսում բասկետբոլային ճամբար բացել «հայ քույրերի և եղբայրների համար»։
Կանտերը առաջին անգամ չէ, որ ելույթ է ունենում Էրդողանի կառավարման դեմ։ Նրա հայրը ընդիմադիր է և Թուրքիայում բանտարկվել է քաղաքական այլ հայացքների համար։
«Էրդողանը խլել է ինձանից ազատության իրավունքը». Ինչո՞ւ է Հաքան Շուքյուրը ԱՄՆ-ում Uber վարում
View this post on Instagram