NBA-ի Արևելյան կոնֆերենցիայի փլեյ-օֆֆի կիսաեզրափակիչի առաջին խաղում «Միլուոկի Բաքսը» հաղթել է «Բոստոն Սելտիքսին»:
Հանդիպումն ավարտվել է 101:89 հաշվով, մրցավեճի ամենաարդյունավետ խաղացողը «Միլուոկիի» խաղացող Ջրու Հոլիդեյն էր, որը վաստակեց 25 միավոր։ «Սելտիքսի» կազմում ամենաշատ միավորը վաստակել է թեթև հարձակվող Ջեյսոն Տեյտումը՝ 21:
Շարքի 2-րդ խաղը կանցկացվի Բոստոնում՝ մայիսի 4-ին:
NBA-ի Արևմտյան կոնֆերենցիայի փլեյ-օֆֆի կիսաեզրափակիչ սերիայի 1-ին խաղում «Գոլդեն Սթեյթ Ուորիորզը» դժվարին հաղթանակ է տոնել «Մեմֆիս Գրիզլիսի» նկատմամբ: Հանդիպումն անցկացվել է Մեմֆիսում և ավարտվել 117:116 հաշվով՝ հօգուտ հյուրերի։
Խաղում լավագույնը «Ուորիորզի» խաղացող Ջորդան Պուլն էր (31 միավոր), նրա թիմակից Ստեֆ Քարին իր ակտիվում գրանցել է 24 միավոր։ «Գրիզլիսի» կազմում դաբլ-դաբլ են գրանցել Ջա Մորանտը (34 միավոր, 10 փոխանցում) և Ջարեն Ջեքսոնը (33 միավոր, 10 անդրադարձ):
Շարքի 2-րդ հանդիպումը կրկին կանցկացվի Մեմֆիսում՝ մայիսի 4-ին