«Նյուքասլն» առաջարկ է պատրաստում՝ Դորտմունդի «Բորուսիայի» և Բելգիայի հավաքականի վինգեր Տորգան Ազարին ձեռք բերելու համար՝ հայտնում է գերմանական հեղինակավոր Bild պարբերականը:

Անգլիական ակումբը Տորգանի տրանսֆերային իրավունքը կարող է ձեռք բերել 15 միլիոն եվրոյով: 29-ամյա ֆուտբոլիստի պայմանագիրը դորտմունդյան թիմի հետ գործում է մինչև 2024 թվականի ամառ:

Բելգիացին 2021/2022 մրցաշրջանում դորտմունդյան թիմի կազմում բոլոր մրցաշարերում մասնակցել է 29 հանդիպման, խփել 5 գոլ և կատարել 1 ասիստ: 

Տորգանը Մադրիդի «Ռեալի» վինգեր Էդեն Ազարի կրտսեր եղբայրն է: