Եվրոպական ֆուտբոլում վերջին օրերս ամենից շատն է քննարկվում «Բարսելոնայի» հարձակվող Նեյմարի հնարավոր տեղափոխությունը «Պարի Սեն Ժերմեն»: Այս տրանսֆերային սագան հասցրել է արդեն բոլորին նյարդայնացնել, քանի որ մեկ օրվա մեջ հայտնվում են իրար հակասող տասնյակ լուրեր, բոլոր հեղինակավոր լրատվամիջոցները փորձում են սեփական աղբյուրները օգտագործել և ներկայացնել դեպքերի զարգացման ընթացքը: Կան նաև այնպիսիք, որոնք պարզապես գործի են դնում երևակայությունը և սրում ֆուտբոլիստի շուրջ պտտվող առանց այդ էլ լարված կրքերը: Ինչո՞ւ, քանի որ մենք բոլորս կարող ենք ականատես լինել ֆուտբոլի պատմության ամենաշոկային և ամենաթանկարժեք տրանսֆերին: Փարիզյան ակումբը մտադիր չէ խնայել միջոցները և պատրաստ է վճարել Բրազիլիայի հավաքականի ֆուտբոլիստի պայմանագրում նշված հրաժարագինը, որը կազմում է 222 մլն. եվրո:
Եկե՛ք պատկերացնեք, թե Դուք ունեք 222 մլն. եվրո և սիրում եք ֆուտբոլ, ինչպե՞ս կարող եք ծախսել այդ գումարը: Օրինակ Դուք կարող եք գնել 11 եվրոպական բավական հեղինակավոր ակումբներ և մի բան էլ գումար խնայել ուժեղ համալրումներ կատարելու համար:
«Լեսթեր» Անգլիա, Պրեմիեր լիգա
Արժեքը՝ 211 մլն. եվրո
Ամենախոշոր նվաճումը՝ 2016 թվականի ԱՊԼ-ի հաղթող, Չեմպիոնշիփի հաղթողներ 7 անգամ, Ֆուտբոլի լիգայի գավաթակիրներ 1964, 1967, 2000, Անգլիայի Սուպերգավաթակիրներ 1971
«Պորտու», Պորտուգալիա, Պրեմիերա լիգա
Արժեքը՝ 205,95 մլն. եվրո
Ամենախոշոր նվաճումները՝ Պրեմիերայի լիգայի չեմպիոն 27 անգամ, Պորտուգալիայի գավաթակիր 16 անգամ, Եվրոպայի գավաթ/Չեմպիոնների լիգա 1987, 2004, Եվրոպա լիգայի չեմպիոններ 2003, 2004, ՈՒԵՖԱ-ի Սուպերգավաթ 1987