«Ֆրայբուրգի» պաշտպան Նիկո Շլոտերբեկը կարիերան կշարունակի Դորտմունդի «Բորուսիայում»՝ հաղորդում է ակումբի պաշտոնական կայքը:
1,91 մետր հասակ ունեցող ֆուտբոլիստն այսօր բուժզննում է անցել Դորտմունդում: Շլոտերբեկի՝ «մեղուների» հետ պայմանագրի ժամկետը նախատեսված է մինչև 2027 թվականի հունիսի 30-ը:
Նշենք նաև, որ 2022 թվականի մարտի 26-ին 22-ամյա խաղացողը նորամուտն է նշել Գերմանիայի ազգային հավաքականում:
Ընթացիկ մրցաշրջանում «Ֆրայբուրգի» կազմում Շլոտերբեկն անցկացրել է 35 հանդիպում՝ դառնալով 4 գոլի և 2 ասիստի հեղինակ:
