Ռուդ Վան Նիստելրոյը հաջորդ մրցաշրջանում կգլխավորի ՊՍՎ-ն։

Ակումբի տարածած հաղորդագրության համաձայն՝ 45-ամյա մասնագետը պայմանագիր է կնքել, որն ուժի մեջ կլինի մինչև 2025 թվականը։ Նա այդ պաշտոնում կփոխարինի Ռոգեր Շմիդտին, որն ընթացիկ մրցաշրջանի ավարտից հետո կհեռանա։

Այս պահին Նիստելրոյը ՊՍՎ-ի երկրորդ թիմի գլխավոր մարզիչն է։

Նիդեռլանդների առաջնության 27 տուրերից հետո ՊՍՎ-ն զբաղեցնում է 2-րդ հորիզոնականը՝ առաջատար «Այաքսին» զիջելով 2 միավորով։