«Լիվերպուլը» ցանկանում է ձեռք բերել «Լայպցիգի» կիսապաշտպան Քրիստոֆեր Նկունկուին՝ հայտնում է Liverpool Echo-ն:
Երիտասարդ կիսապաշտպանի ծառայություններով հետաքրքրված են նաև Մյունխենի «Բավարիան» և անգլիական «Մանչեսթեր Յունայթեդը»:
Աղբյուրի տեղեկություններով՝ «Լայպցիգի» ղեկավարները դեմ չեն իրենց թիմի առանցքային խաղացողին բաց թողնելուն: Գերմանական ակումբը Նկունկուի տրանսֆերի համար պահանջում է 80 միլիոն եվրո:
24-ամյա ֆրանսիացին ընթացիկ մրցաշրջանում բոլոր մրցաշարերում անցկացրել է 48 հանդիպում՝ դառնալով 31 գոլի և 20 ասիստի հեղինակ: