Հայաստանի ազգային հավաքականի և արգենտինական «Բոկա Խունիորսի» հարձակվող Նորբերտո Բրիասկո Բալեկյանը կվիրահատվի աջ ոտքի՝ կոճի սինովիտի համար՝ հայտնում է լրագրող Լեոնարդո Ագիլերան:
Հարձակվողի մոտ այս խնդիրն առաջացել է դեռևս նախամրցաշրջանային հատվածում, և ակումբի բժշկական անձնակազմը որոշել է միջամտություն կատարել:
Ագիլերան չի նշել, թե որքան ժամանակ կտևի հայ հարձակվողի ապաքինումը:
26-ամյա հարձակվողն արգենտինական թիմի կազմը համալրել է անցյալ ամռանը: