Հայաստանի ազգային հավաքականի և արգենտինական «Բոկա Խունիորսի» հարձակվող Նորբերտո Բրիասկո Բալեկյանը վիրահատվել է աջ ոտքի կոճի սինովիտի համար՝ հայտնում է ակումբի մամուլի ծառայությունը:
Հարձակվողի մոտ այս խնդիրն առաջացել է դեռևս նախամրցաշրջանային հատվածում, և ակումբի բժշկական անձնակազմը որոշել է վիրահատական միջամտություն կատարել:
Հայ հարձակվողի ապաքինման ժամկետը դեռևս հայտնի չէ:
26-ամյա հարձակվողն արգենտինական թիմի կազմը համալրել է անցյալ ամռանը: