Ուկրաինայի հավաքականի ու «Ատալանտայի» կիսապաշտպան Ռուսլան Մալինովսկին Instagram-ում ուղիղ եթերի ժամանակ պատմել է Իտալիայում տիրող իրավիճակի մասին կորոնավիրուսի համաճարակի պատճառով։
«Երկու բուժքույր Իտալիայում ինքնասպան է եղել։ Դժվար է այդքան մահ տեսնելը։ Այն, ինչ գրում են Իտալիայի մասին համացանցում, ճշմարտություն է։ Այնպես որ, նստեք տանը։
Նրանք, ովքեր մտածում են, որ կորոնավիրուսը կատակ է, հիմար են։ Հաղորդումներ նայեք ծովերի մասին, թե չէ ամեն տեղ բացասականն է տիրում»,-պատմել է խաղացողը։
Իտալիայում կորոնավիրուսով վարակված է ավելի քան 101 հազար մարդ, առողջացել է 14 600 հիվանդ, մահացել՝ 11,500-ը։