«Բենֆիկայի» ուրուգվայցի հարձակվող Դարվին Նունյեսը տեղափոխվում է անգլիական «Լիվերպուլ»՝ տեղեկանում ենք պորտուգալական ակումբի պաշտոնական կայքից:
Հաղորդվում է, որ անգլիական գրանդը տրանսֆերի համար կվճարի 75 միլիոն եվրո: Պայմանագրով սահմանված են տարբեր հավելավճարներ, և գործարքի ընդհանուր արժեքը կարող է հասնել 100 միլիոն եվրոյի:
22-ամյա հարձակվողը պորտուգալական ակումբում ելույթ էր ունենում 2020 թվականի սեպտեմբերից, որի կազմում անցկացրած 85 խաղում խփել է 48 գոլ, կատարել 16 ասիստ:
