Հայաստանի փոխչեմպիոն «Նոան» դարձել է հայկական առաջին ակումբը, որ հաղթանակ է տոնել ՈՒԵՖԱ-ի նորաստեղծ մրցաշարում՝ Կոնֆերենցիաների լիգայում:
Թիմը որակավորման 1-ին փուլի առաջին խաղում Երևանում նվազագույն հաշվով առավելության է հասել ֆիննական «ԿուՊՍ»-ի նկատմամբ: Դա Գրիգորի Միխալյուկի գլխավորած թիմին վստահություն կհաղորդի պատասխան մրցավեճից առաջ:
VNews-ը ներկա է գտնվել հանդիպմանը, որսացել ամենահետաքրքիր դրվագները, իսկ խաղից հետո զրուցել «Նոայի» 3 ֆուտբոլիստների՝ Ալեքսանդր Կարապետյանի, Սարգիս Շահինյանի ու Էդուարդս Էմսիսի հետ:
