«Ատալանտայի» գլխավոր մարզիչ Ջանպիերո Գասպերինին Չեմպիոնների լիգայի 1/8 եզրափակիչում «Ռեալի» դեմ խաղում փոխարինեց թիմի առաջատարներից մեկին՝ Յոսիպ Իլիչիչին՝ նրան խաղադաշտ դուրս բերելուց 30 րոպե անց:
Իլիչիչը մեկնարկային կազմում չէր հայտնվել, սակայն Դուվան Զապատայի վնասվածքն ու Լուիս Մուրիելի հոգնածությունը ստիպեցին Գասպերինիին խաղադաշտ դուրս բերել սլովենացուն: Սակայն 30 րոպե հետո Իլիչիչը կրկին հեռացավ խաղադաշտից, բայց ոչ թե դեպի պահեստայինների նստարան, այլ՝ ուղիղ հանդերձարան՝ առանց գլխավոր մարզչին ձեռք մեկնելու:
Ինչպես տեղեկացնում է Мarca-ն, Իլիչիչի փոխարինման պատճառը Գասպերինիի զայրույթն է եղել. «Աշխատի՛ր, ոչ թե ձեռքերդ բարձրացրու: Խաղընկերներդ ամեն ինչ անում են քեզ համար», – ասել է իտալացի մասնագետը:
Գասպերինիի հետ վիճել էր նաև Պապու Գոմեսը, որը հունվարին այդ կոնֆլիկտի պատճառով տեղափոխվեց «Սևիլիա»:
