Գերմանիայի հավաքականի դարպասապահ Մանուել Նոյերն ամփոփել է Անգլիայի հավաքականի դեմ խաղը:
Հիշեցնենք, որ ԵՎՐՈ 2020-ի 1/8 եզրափակիչում Անգլիայի հավաքականը երկու անպատասխան գնդակ ուղարկեց գերմանացիների դարպասը՝ նվաճելով քառորդ եզրափակիչի ուղեգիր:
«Մենք լավ հնարավորություն ունեինք, ու հիմա հիասթափությունը մեծ է:
Այնպես չէ, որ Անգլիան անընդհատ մեր դարպասի դիմաց էր: Առաջին կեսում Վերները լավ պահ ուներ, իսկ հետո՝ Մյուլերը:
Երբ տեսա Լյովին, տխրեցի: Նա հիանալի անձնավորություն է, ու բոլորս ենք նրան պարտական: Շատ ցավալի է, որ նրա մեծ դարաշրջանն այսպես ավարտվեց»,- Suddeutsche Zeitung-ը մեջբերում է Նոյերի խոսքը:
Հիշեցնենք, որ Յոահիմ Լյովն ավելի վաղ պաշտոնապես հայտարարել էր, որ ԵՎՐՈ 2020-ից հետո հեռանալու է Գերմանիայի հավաքականի գլխավոր մարզչի պաշտոնից:
