Գերմանիայի հավաքականի դարպասապահ Մանուել Նոյերն ամփոփել է հավաքականի սեպտեմբերյան խաղերը:
«Մենք նոր մարզչական շտաբ ունենք, նոր երիտասարդներ են միացել հավաքականին: Հնարավոր չէ ամեն ինչ միանգամից փոխել, բայց մենք ճիշտ ուղու վրա ենք: Ուզում ենք շարունակել նույն ոգով:
Իհարկե, Լիխտենշտեյնի, Հայաստանի ու Իսլանդիայի հավաքականներն այն մրցակիցները չեն, որոնց դեմ պետք է խաղանք ԱԱ-ի փլեյ-օֆֆում, բայց նրանց դեմ խաղերում հաղթանակը լավ ազդակ է:
Մեր նպատակն աշխարհի չեմպիոն հռչակվելն է»,- ՈՒԵՖԱ-ի մամուլի ծառայությունը մեջբերում է Նոյերի խոսքը:
Գերմանիայի հավաքականը սեպտեմբերյան խաղերի ընթացքում Լիխտենշտեյնի հավաքականին հաղթել է 2-0 հաշվով, Հայաստանի հավաքականին՝ 6-0, Իսլանդիայի հավաքականին՝ 4-0:
Գերմանացիները վաստակած 15 միավորով J խմբի առաջատարն են: Հայաստանի հավաքականը 11 միավորով երկրորդն է, 10 միավորով ռումինացիները երրորդն են:
Հայաստանի հավաքականի վերջին նորությունները