Զվարթնոց օդանավակայանում դիմավորել են Տոկիոյի Օլիմպիական խաղերում Հայաստանի մեդալակիրներ, ծանրորդ Սիմոն Մարտիրոսյանին և մարմնամարզիկ Արթուր Դավթյանին։
Արթուր Դավթյանը հենացատկի պայքարում զբաղեցրել էր երրորդ տեղը՝ նվաճելով բրոնզե մեդալ։ Սա մարմնամարզության մրցումներում առաջին մեդալն էր անկախ Հայաստանի պատմության մեջ։
Սիմոն Մարտիրոսյանը 109 կգ քաշային կարգում զբաղեցրեց երկրորդ տեղը՝ նվաճելով արծաթե մեդալ։
Հայաստանի հավաքականի կազմում արծաթե մեդալ է նվաճել նաև Արթուր Ալեքսանյանը։