UFC-ի թեթև քաշային կարգի նախկին չեմպիոն (զրկվել էր տիտղոսից պահանջված քաշը չպահպանելու համար-խմբ.) Չարլզ Օլիվեյրան մտադիր է ձեռնոց նետել անպարտելի Խաբիբ Նուրմագոմեդովին:
Նախօրեին Խաբիբը UFC-ին խնդրել էր մենամարտ կազմակերպել իր հայրենակից Իսլամ Մախաչևի և բրազիլացու միջև:
«Ես այս քաշային կարգի գլխավոր պրոբլեմն եմ: Մոռացե՛ք Կոնոր Մակգրեգորի մասին: Կհաղթեմ Իսլամ Մախաչևին և մենամարտի կկանչեմ Խաբիբին: Միգուցե նա մտափոխվի և վերսկսի կարիերան»,- Օլիվեյրայի խոսքը մեջբերում է Sportskeeda-ն:
Հիշեցնենք, որ 2021 թվականի հոկտեմբերի 24-ին UFC-ի թեթև քաշային կարգի չեմպիոնական մենամարտում Խաբիբ Նուրմագոմեդովը «խեղդել» էր ամերիկացի Դաստին Պորյեին ու պահպանել տիտղոսը: Մենամարտից հետո ռուս մարտիկը հայտարարել էր կարիերան ավարտելու մասին ու հեռացել անպարտելի (29 մենամարտ, 29 հաղթանակ):
