Բասկետբոլի Եվրալիգայի խաղարկության 1/4 եզրափակիչ վերջին դիմակայության վճռորոշ խաղում հունական «Օլիմպիակոսը» 94:88 հաշվով հաղթել է ֆրանսիական «Մոնակոյին»:
Հանդիպման ամենաարդյունավետ խաղացողը «Մոնակոյի» ամերիկացի բասկետբոլիստ Մայք Ջեյմսն էր, որը վաստակեց 24 միավոր, «Օլիմպիակոսից» Շաքիլ Մաքիսիկը վաստակեց 18 միավոր:
Այսպիսով՝ հունական թիմը դիմակայությունում հաղթել է 3:2 հաշվով՝ դուրս գալով «Չորսի եզրափակիչ», որտեղ կհանդիպի մրցաշարի գործող չեմպիոն «Անադոլու Էֆեսին»: Այս փուլում միմյանց կհանդիպեն նաև Մադրիդի «Ռեալը» և կատալոնական «Բարսելոնան»: