«Նապոլիի» հարձակվող Վիկտոր Օսիմհենը կարող է կարիերան շարունակել Պրեմիեր լիգայում:
The Guardian-ի լրագրող Ֆրեդի Պակստոնի հաղորդմամբ՝ նիգերիացու ծառայություններով սկսել է հետաքրքրվել «Արսենալը»: Նշվում է, որ «զինագործներն» արդեն կապ են հաստատել ֆուտբոլիստի հետ:
Գործարքն էլ ավելի հավանական կդառնա, եթե ԱՊԼ-ի ընթացիկ մրցաշրջանի ավարտին լոնդոնյան ակումբին հաջողվի նվաճել Չեմպիոնների լիգայի ուղեգիր: Միակ խնդիրը կարող է լինել ֆինանսական կողմը. «Նապոլին» ոչ պակաս, քան 100 մլն եվրո է պահանջում տաղանդավոր հարձակվողի տրանսֆերային իրավունքի վաճառքի համար:
Ընթացիկ մրցաշրջանում նեապոլիտանական թիմի կազմում 23-ամյա ռմբարկուն անցկացրել է 23 խաղ՝ դառնալով 12 գոլի և 4 ասիստի հեղինակ:
