Իտալիայի առաջնության 23-րդ տուրի «Ատալանտա» – «Նապոլի» խաղի (4:2) ժամանակ հյուրերի հարձակվող Վիկտոր Օսիմհենն ուշագնաց է եղել:
Նիգերացին ուշագնաց է եղել հանդիպման վերջին րոպեին: Նա Կրիստիան Ռոմերոյի հետ մենապայքարից հետո անհաջող է ընկել և գլխով հարվածել խոտածածկին: Նա տեղում ուշագնաց է եղել, ինչը ֆուտբոլիստները նկատել են մի քանի վայրկյան հետո և բժիշկներին կանչել:
Sky Sport Italia-ն հայտնում է, որ 22-ամյա ֆուտբոլիստին անմիջապես տեղափոխել են հիվանդանոց: Նրան ուղեկցել է նաև «Նապոլիի» բժիշկը: Օսիմհենը մի քանի րոպե է մնացել առանց գիտակցության: Այժմ նա իրեն լավ է զգում:
«Նապոլին» Օսիմհենի տրանսֆերը գնել է ընացիկ մրցաշրջանի մեկնարկից առաջ: Տրանսֆերն իտալական ակումբի պատմության ռեկորդային՝ 70 մլն եվրո է արժեցել: Իտալիայում Օսիմհենին դեռ անհաջողություններ են հետապնդում: Նիգերացին նոյեմբերին ուսի վնասվածք է ստացել, իսկ հունվարին՝ վարակվել կորոնավիրուսով: