«Փյունիկին» է միացել 29-ամյա նիգերիացի հարձակվող Յուսուֆ Օտուբանջոն՝ հաղորդում է ակումբի պաշտոնական կայքը:
Օտուբանջոն նախկինում խաղացել է նիգերիական մի շարք թիմերում, Սլովակիայի «Ժիլինայում», ինչպես նաև ավստրիական «Ռեդ Բուլ Զալցբուրգում», «Պաշինգում», «Լինցում», «Ռեյնդորֆ Ալտախում» և ԼԱՍԿ-ում:
Նիգերիացի ֆուտբոլիստի վերջին թիմը եղել է «Արարատ-Արմենիան», որի կազմում 2019/20թթ. մրցաշրջանում դարձել է Հայաստանի չեմպիոն:
Նշենք, որ Հայաստանի Բարձրագույն խմբի առաջնություններում Օտուբանջոն անցկացրել է 58 խաղ, որոնցում խփել է 27 գոլ և կատարել 5 գոլային փոխանցում: