Գերմանիայի հավաքականի և «Ռեալի» նախկին կիսապաշտպան Մեսութ Օզիլի գործակալ Էրկուտ Սոգուտը հայտնել է, որ գերմանացին կարիերան ավարտելուց հետո զբաղվելու է կիբերսպորտով:
Այժմ ֆուտբոլիստը ելույթ է ունենում «Ֆեներբահչեում»:
«Կարիերան ավարտելուց հետո Մեսութը պրոֆեսիոնալ գեյմեր է դառնալու: Նա M10 Esports ակումբի սեփականատերն է, որի կազմում են FIFA-ի և Fortnite-ի թիմեր: Օզիլը փորձաշրջան է անցնելու Գերմանիայում»,- Սոգուտի խոսքը հաղորդում է The Telegraph-ը:
Հավելենք՝ կարիերայի ընթացքում աշխարհի նախկին չեմպիոնը խաղացել է «Շալկեում», «Վերդերում», «Ռեալում», «Արսենալում», «Ֆեներբահչեում»: