Նաչո Մոնրեալը «Ռեալ Սոսյեդադի» ֆուտբոլիստ է, տեղեկացնում է բասկյան ակումբի պաշտոնական կայքը: «Ռեալ Սոսիեդադն» ու «Արսենալը» համաձայնության են հասել 33-ամյա իսպանացու տեղափոխության հարցում, որն իր նոր ակումբի հետ կկնքի 2 տարվա պայմանագիր:
Նաչո Մոնրեալը «Արսենալ» էր տեղափոխվել «Մալագայից» 2012 թվականին: «Զինագործների» կազմում անցկացրած 250 խաղում իսպանացին դարձել է 10 գոլի հեղինակ: Այս մրցաշրջանում Մոնրեալն այլևս չէր մտնում Ունայ Էմերիի ծրագրերում, հատկապես՝ երիտասարդ պաշտպան Կիրան Տիրնիի ժամանումից հետո:
Իսպանացու շնորհանդեսը տեղի կունենա երկուշաբթի: