«Նիսի» 21-ամյա պաշտպան Մալանգ Սարը տեղափոխվել է «Չելսի», այս մասին հայտնում է լոնդոնյան ակումբի պաշտոնական կայքը։ Սակայն 2020/21 մրցաշրջանում ֆուտբոլիստը հանդես կգա այլ ակումբում վարձավճարով։
Սարը անգլիական ակումբ է տեղափոխվել անվճար։
Մամուլում տեղեկություններ են շրջանառվում, որ պաշտպանը տեղափոխվելու է «Բայեր» ու դառնալու է Կայ Հավերցի գործարքի մի մասը։ Լևերկուզենի ակումբը հետաքրքրված է նրա ծառայություններով։
Ֆրանսիացին Ֆրենկ Լեմպարդի 4-րդ խոշոր ձեռքբերումն այս տրանսֆերային պատուհանի ընթացքում։
Մալանգ «Նիսում» իր դեբյուտը նշել է 2016 թվականին։ 4 տարվա ընթացքում ֆուտբոլիստը անցկացրել է 102 հանդիպում ու աչքի ընկել 3 գոլով։ Բացի դրանից, Սարը հանդես է եկել գրեթե բոլոր տարիքային հավաքականներում, սակայն Դեշամից դեռևս հրավեր չի ստացել։