տուր
01 Հունվար 1970 - 21:34
- «Դինամո Զագրեբի» արդեն նախկին կիսապաշտպան Դանի Օլմոն տեղափոխվեց «Լեյպցիգ», տեղեկացնում է գերմանական ակումբի պաշտոնական կայքը:
Իսպանացին իր նոր ակումբի հետ պայմանագիր է կնքել մինչև 2024 թվականը: «Լեյպցիգում» նա հանդես կգա 25 համարի մարզաշապիկով:
Ավելի վաղ տարածվել էին տեղեկություններ, որ «Բարսելոնան» բանակցություններ է վարել ֆուտբոլիստի հետ և մոտ եղել Օլմոյի տեղափոխությունն իրականացնելուն: Նրա ծառայություններով հետաքրքրված էին նաև «Չելսին» ու «Մանչեսթեր Յունայթեդը»:
Դանի Օլմոն «Բարսելոնայի» մանկապատանեկան դպրոցի սան է, որտեղից էլ 2015 թվականին միացել է «Դինամոյին»՝ այդպես էլ չնշելով նորամուտը կատալոնական ակումբի առաջին թիմում: 21-ամյա կիսապաշտպանը Խորվաթիայի ընթացիկ առաջնությունում մասնակցել է 9 մրցավեճի և դարձել 3 գոլի հեղինակ: Նրա հաշվին նաև 5 գոլ ու 3 արդյունավետ փոխանցում է գրանցված Չեմպիոնների լիգայի գավաթի ընթացիկ խաղարկությունում անցկացրած 11 հանդիպումներում, եթե հաշվի առնենք նաև որակավորման փուլի խաղերը:
Կիսապաշտպանն Իսպանիայի Մ-21 հավաքականի կազմում 2019 թվականի ամռանը ճանաչվել է Եվրոպայի առաջնության հաղթող:
