«Հոֆենհայմն» իր պաշտոնական կայքում հայտարարել է հարձակվող Մունաս Դաբուրի՝ «Սևիլիայից» գերմանական ակումբ տեղափոխության մասին:
«Հոֆենհայմի»՝ իսրայելցի 27-ամյա ֆուտբոլիստի հետ կնքած պայմանագիրն ուժի մեջ կլինի մինչև 2024 թվականի ամառ: Գործարքի այլ մանրամասներ չեն հրապարակվում:
Դաբուրը կարիերան սկսել է հայրենիքում 2009 թվականին, իսկ 2014 թվականին տեղափոխվել շվեյցարական «Գրասհոպեր»: Հարձակվողը 2016 թվականին պայմանագիր է կնքել ավստրիական «Ռեդ Բուլ Զալցբուրգի» հետ, որտեղից էլ նախորդ տարի միացել «Սևիլիային»: Մունասն Իսպանիայի Լա Լիգայի ընթացիկ առաջնությունում մասնակցել է ընդամենը 2 հանդիպման (2 դեպքում էլ մտել է փոխարինման)՝ իր հաշվին չգրանցելով որևէ արդյունավետ գործողություն: Իսրայելի հավաքականի կազմում խաղադաշտ է դուրս եկել 20 անգամ ու խփել 7 գոլ:
Հիշեցնենք, որ «Հոֆենհայմում» է հանդես գալիս Հայաստանի ազգային հավաքականի հարձակվող Սարգիս Ադամյանը: Թիմը Բունդեսլիգայի ընթացիկ առաջնությունում վաստակել է 27 միավոր և զբաղեցնում է 7-րդ հորիզոնականը՝ լավագույն քառյակը եզրափակող Դորտմունդի «Բորուսիային» զիջելով 3 միավորով:
Ադամյանի ֆուտբոլային կուռքը, գոլերի տոնումը ու այլ բացահայտումներ