ՈՒԵՖԱ-ն պաշտոնապես հաստատել է ակումբային երրորդ լիգայի անվանումը՝ հաղորդում է կազմակերպության պաշտոնական կայքը:
ՈՒԵՖԱ-ի նախագահ Ալեքսանդր Չեֆերինն իր ելույթի ընթացքում հաստատել է, որ ՈՒԵՖԱ-ի հովանու ներքո անցկացվելիք ակումբային երրորդ մրցաշարն անվանվելու է Կոնֆերենցիաների գավաթ:
Մրցաշարում հանդես կգան այն թիմերը, որոնց չի հաջողվել Չեմպիոնների լիգայի և Եվրոպա լիգայի ուղեգիր նվաճել: Խմբային փուլում հանդես կգան 32 թիմեր, որոնք կբաժանվեն 8 խմբերի:
Խմբերի հաղթողները կնվաճեն 1/8 եզրափակիչի ուղեգիր, իսկ 2-րդ հորիզոնականն զբաղեցրած թիմերը կմրցեն Եվրոպա լիգայի խմբային փուլում 3-րդ տեղը գրաված թիմերի հետ:
Կոնֆերենցիաների գավաթի հաղթողը հաջորդ մրցաշրջանում Եվրոպա լիգայի խմբային փուլում հանդես գալու ուղեգիր կնվաճի: Մրցաշարը կմեկնարկի 2021-22 մրցաշրջանում: