«Վիլյառեալի» և Իսպանիայի հավաքականի պաշտպան Պաու Տորեսը հայտնվել է գրանդ ակումբների ուշադրության կենտրոնում:
Ինչպես հաղորդում է 90 min-ը, 25-ամյա ֆուտբոլիստի ծառայություններով հետաքրքրված են «Ռեալն» ու «Մանչեսթեր Յունայթեդը»: Երկու թիմն էլ մտադիր է վճարել ֆուտբոլիստի հրաժարագինը (60 մլն եվրո):
«Արքայական ակումբում» իսպանացուն դիտարկում են որպես այլընտրանք Անտոնիո Ռյուդիգերին, «կարմիր սատանաներն» էլ ցանկանում են ամրացնել կենտրոնական պաշտպանի գոտին՝ հաշվի առնելով Ռաֆայել Վարանի և Հարի Մագուայրի անկայուն խաղն ընթացիկ մրցաշրջանում:
Հավելենք, որ Տորեսի՝ «դեղին սուզանավի» հետ գործող համաձայնագիրը նախատեսված է մինչև 2024 թվականի հունիսի 30-ը: