«Մանչեսթեր Սիթիի» գլխավոր մարզիչ Մանուել Պելեգրինին կարող է վերադառնալ Իսպանիա ու գլխավոր մարզչի պաշտոնում փոխարինել «Վալենսիայի» ներկայիս մենեջեր Գարի Նևիլին։
Չիլիացի մասնագետի պայմանագիրն անգլիական ակումբի հետ ավարտվում է այս ամառ, ինչից հետո «Սիթիի» ղեկը ստանձնելու է Պեպ Գվարդիոլան։
Գարի Նևիլը նշանակվել է «Վալենսիայի» գլխավոր մարզչի պաշտոնում նոյեմբեր ամսին, ինչից հետո արդեն 8 խաղ շարունակ թիմը չի կարողանում հաղթանակ տանել։
Հիշեցնենք, որ «Մանչեսթեր Սիթին» գլխավորելուց առաջ Մանուել Պելեգրինին աշխատել է «Վիլյառեալում», Մադրիդի «Ռեալում» ու «Մալագայում»։