Իտալիայի հավաքականի ու «Ատալանտայի» կիսապաշտպան Մատեո Պեսինան Ուելսի հավաքականի դեմ հաղթական խաղից հետո խոստովանել է, որ դեռ չի կարողանում հասկանալ, թե ինչ է տեղի ունեցել: Ֆուտբոլիստն իր ընտրանու կազմում դարձել է միակ ու հաղթական գոլի հեղինակը:
«Դեռ չեմ հասկանում, թե ինչ է տեղի ունեցել: Երբ առաջին անգամ հայտարարվեց ընտրանու կազմը, ես նույնիսկ հայտավորված չէի, իսկ այսօր հաղթական գոլ եմ խփել:
Մենք տուգանայինի այդպիսի խաղարկման մարզում էինք անցկացրել, բայց մոտակա դարպասաձողի մոտ պետք է գնայի ոչ թե ես, այլ Տոլոյը: Վերջին պահին նա ինձ ասաց, որ ես զբաղեցնեմ այդ դիրքն, ու ամեն ինչ լավ եղավ»,- ՈՒԵՖԱ-ի պաշտոնական կայքը մեջբերում է Պեսինայի խոսքը:
Հիշեցնենք՝ Իտալիայի հավաքականն A խմբում անցկացրած 3 խաղում տոնեց 3 հաղթանակ՝ նվաճելով 1/8 եզրափակիչի ուղեգիր:
