«Մանչեսթեր Յունայթեդի» ու Դանիայի հավաքականի նախկին դարպասապահ Պետեր Շմեյխելը պատմել է, թե ՈւԵՖԱ-ն ԵՎՐՈ-2020-ի խմբային փուլի Դանիա – Ֆինլանդիա հանդիպման շարունակության համար ինչ տարբերակներ է ներկայացրել։ Առաջին կեսի վերջում դանիացիների կիսապաշտպան Քրիստիան Էրիկսենը ուշագնաց եղավ խաղադաշտում։ Նրա մոտ սրտի կաթված էր եղել։ Երկար ժամանակ հենց խաղադաշտում բժիշկները օգնություն ցուցաբերեցեին Էրիկսենին։ Այնուհետև նրան տեղափոխեցին հիվանդանոց։ Հանդիպումը դադարեցվեց ու սկսվեց մոտ մեկ ու կես ժամ անց։
«Նրանք երեք տարբերակ էին թողել մեզ։ Առաջինը հանդիպումն անմիջապես սկսելն էր ու այդ 50 րոպեն խաղալը։ Երկրորդ տարբերակը՝ հաջորդ օրը առավոտյան 12-ին հանդիպումը շարունակելն էր։ Երրորդ տարբերակը՝ 0-3 հաշվով տեխնիկական պարտության գրանցումն էր»,-Շմեյխելի խոսքն է մեջբերում ESPN-ը։