«Բարսելոնայի» կիսապաշտպան Ֆիլիպե Կոուտինյոն, որը վարձավճարով հանդես է գալիս «Ասթոն Վիլայում», խոսել է կատալոնական ակումբում անցկացրած ժամանակաշրջանի մասին։

«Դժվար է ասել, թե ինչ չստացվեց «Բարսելոնայում», ես լավ ժամանակ անցկացրի այնտեղ, բայց հետևողականությունը և իմ խաղը կարող էին տարբեր լինել: Ժամանակն է առաջ գնալ։ Ես միշտ մեծ հարգանք եմ տածում թիմի նկատմամբ։

Ես շնորհակալ եմ «Բարսելոնային» իմ աշխատանքին հավատալու համար և շնորհակալ եմ հարուստ պատմություն ունեցող ակումբի գույները պաշտպանելու հնարավորության համար»,- Կոուտինյոյի խոսքն է մեջբերում Globo Esporte-ն:

29-ամյա Կոուտինյոն «Բարսելոնա» է տեղափոխվել «Լիվերպուլից» 2018 թվականի հունվարին 135 միլիոն եվրոյով: Կիսապաշտպանի պայմանագիրը կատալոնական ակումբի հետ կավարտվի 2023 թվականին։