տուր
01 Հունվար 1970 - 12:59
- Ինչպես արդեն տեղեկացրել ենք, Հայաստանի Բարձրագույն խմբի առաջնության 33-րդ տուրի կենտրոնական հանդիպումը տեղի է ունեցել Երևանի ֆուտբոլի ակադեմիայում, որտեղ ուժերն են չափել չեմպիոնության հավակնորդներից երկուսը՝ «Փյունիկն» ու «Բանանցը»։
Թիմերը փոխանակել են մեկական գնդակ, գոլերը գրանցվել են ընդմիջումից հետո։ Փյունիկցիներին հաշվի մեջ առաջ է մղել Արթուր Միրանյանը, իսկ Իլշատ Ֆայզուլինի գլխավորած թիմից պատասխանել է 20-ամյա Կարեն Մելքոնյանը։
Այսպիսով, ընդհատվել է «Փյունիկի» 6 անընդմեջ հաղթանակների շարքը, իսկ «Բանանցը» մնում է առաջնության միակ թիմը, որ գարնանային հատվածում դեռ ոչ մի պարտություն չի կրել։
«Փյունիկը» 30 խաղից վաստակած 56 միավորով գլխավորում է մրցաշարային աղյուսակը, իսկ «Բանանցը» 29 մրցավեճի արդյունքում իր հաշվին է գրանցել 51 միավոր ու եզրափակում է լավագույն եռյակը։ Այս թիմերի մեջտեղում դիրքավորվել է «Արարատ-Արմենիան», որն անցկացրել է 29 հանդիպում ու վաստակել 52 միավոր։
VNews.am-ը ձեր ուշադրությանն է ներկայացնում «Փյունիկ» – «Բանանց» ուշագրավ մրցավեճի ֆոտոշարքը՝ Գրիգոր Գրիգորյանի ֆոտոխցիկից։
- 24
