«Միլանի» գլխավոր մարզիչ Ստեֆանո Պիոլիին կվերադարձնեն չեմպիոնական մեդալը:
20-25 տարեկան 3 երիտասարդ ոսկե մեդալը ներկայացրել է Միլանի քաղաքային ոստիկանություն՝ հայտնելով, որ այն գտել են խաղադաշտում՝ հանդերձարան տանող ճանապարհին:
Sky Italia-ն հաղորդում է, որ ոստիկանությունը հետաքննություն է սկսել՝ ներկայացվածը պարզելու նպատակով:
Հիշեցնենք, որ Ա Սերիայի 38-րդ տուրում «Միլանը» 3:0 հաշվով հաղթել էր «Սասուոլոյին» ու հռչակվել Իտալիայի չեմպիոն:
Իտալացի մարզիչը «ռոսոներիների» ղեկին է 2019 թվականից: